رمضان كريم وكل عام والأمة الإسلامية والعالم أجمع بخير
هنا هكتب نقاط مهمة مقتبسة من لقاء مباشر للدكتورة لميس البن أخصائية التغذية العلاجية
عن التغذية واللايف ستايل الصحي في رمضان
لازم نهتم ب
Golden Hour of Weight Loss
الساعة اللي قبل الإفطار
لازم نمارس فيها رياضة المشي بالتدريج
فيه فيديوهات علي اليوتيوب اسمها Walking at home
هي مستويات نبدأ بالمستوي الأقل فالأعلي
ممكن نشارك الأطفال معانا
ونعمل حسابنا ان الأكل يكون جاهز وخلصان ونظبط نفسنا ان الساعة دي لينا ولصحتنا ومنبقاش ملبوخين في المطبخ
نشرب ماء
2 كوب كل ساعة
خلال فترة الإفطار
اللي بيجوع في رمضان ميه في الميه مش بيشرب ميه كفايه
وناكل 4 وجبات مقسمة كل ساعتين طوال مدة الإفطار
اللي ماشي علي الصيام المتقطع يا هناه ويا سعادته رمضان بالنسبة له هيبقي متعود عليه جدا ومش هيحس بتعب
واللي مش متعود فرمضان فرصة له إنه يبدأ يتعود علي نظام الصيام المتقطع
نقص سكر الدم :
من تمرة إلي 3 تمرات
او طبق خشاف من غير سكر يتعمل بليل لأنه مش محتاج سكر بينزل سكره في الميه
الجفاف :
بيترجم للأسف عند معظمنا جوع
2 كوب كبار من الماء
ولازم يكون فاتر
الماء البارد بيعمل انقباضات في الأأوعية الدموية بتاع المعدة ومش بيخلي الواحد يقدر يكمل شرب ماء
نقص حرارة الجسم الداخلية :
نعوضها بالحجات الدافية
مغرفة شوربة نجيب حلة ونحط فيها مغرفة شوربه والباقي مياه ونحط فيها خضروات مسلوقة تبقي شوربة خضروات
بالنسبة للحلويات ممكن ناخد مقدار عقلتين صباعين من الحلويات
الكلام ده بعد الفطار بساعتين أو تلاته
الوجبة اللي بعدها ممكن مكسرات حفنة أد قبضة الإيد
وجبة السحور هي أهم الوجبات لازم تاكلي فيها نشويات معقده لأنها أهم وجبة هتفضل في الجسم ويعتمد عليها طول مدة الصيام
نشويات مركبة :
الشوفان والبلبلة والفول المدمس
هضمها ضعب والجسم بياخد وقت عما يهضمها
وبتاخد وقت لما تتحول لسكرو يطلع في الدم
الناس اللي مش بتحب الشوفان والبليلة ممكن عيش نصف رغيف مع 5 ملاعق فول
مع فاكهه ومكسرات
اعطي فترة لجسمك انه يترجم الحاجة اللي بتاكليها يعني اما تاكلي التمر أو تشربي الماء اصبري متاكليش علطول اعطي فرصه لجسمك يهضم الحجات دي وساعتها تقدري تقرري تاكلي ايه
